«Nissa» rasmiy sayti «Renn» va Gana terma jamoasi himoyachisi Alidu Seyduni ijara asosida o‘z safiga qo‘shib olganini e’lon qildi. Kelishuvda futbolchini keyinchalik sotib olish huquqi ko‘zda tutilmagan.
Fransiyadagi qoidalar transfer oynasi 1 sentyabrda yopilganiga qaramay, bunday o‘tishni rasmiylashtirish imkonini beradi. Agar jamoa futbolchisi jiddiy jarohat olsa, klublarga «tibbiy joker» sifatida yangi o‘yinchi bilan shartnoma imzolashga ruxsat etiladi.
«Nissa» himoyachisi Antuan Mendi 5 sentyabr kuni Liga 1ning 3-turidan o‘rin olgan «Le-Man»ga qarshi bahsda (1:1) oldingi xochsimon paylaridan jarohat olgan edi.
«Biz bu futbolchini va uning o‘yin sifatlarini sinchiklab o‘rgandik. U bir nechta pozisiyada o‘ynay oladi. Shuningdek, uning ruhiy tayyorgarligi va xarakteri haqida ham juda yaxshi fikrlar oldik. Yoshi hali kichik bo‘lishiga qaramay, u kiyinish xonasida yetakchi bo‘la oladi. Bizga aynan shunday futbolchi kerak edi», — dedi «Nissa» bosh murabbiyi Olivye Pantaloni.
