«Ницца» расмий сайти «Ренн» ва Гана терма жамоаси ҳимоячиси Алиду Сейдуни ижара асосида ўз сафига қўшиб олганини эълон қилди. Келишувда футболчини кейинчалик сотиб олиш ҳуқуқи кўзда тутилмаган.

Франциядаги қоидалар трансфер ойнаси 1 сентябрда ёпилганига қарамай, бундай ўтишни расмийлаштириш имконини беради. Агар жамоа футболчиси жиддий жароҳат олса, клубларга «тиббий жокер» сифатида янги ўйинчи билан шартнома имзолашга рухсат этилади.

«Ницца» ҳимоячиси Антуан Менди 5 сентябр куни Лига 1нинг 3-туридан ўрин олган «Ле-Ман»га қарши баҳсда (1:1) олдинги хочсимон пайларидан жароҳат олган эди.

«Биз бу футболчини ва унинг ўйин сифатларини синчиклаб ўргандик. У бир нечта позицияда ўйнай олади. Шунингдек, унинг руҳий тайёргарлиги ва характери ҳақида ҳам жуда яхши фикрлар олдик. Ёши ҳали кичик бўлишига қарамай, у кийиниш хонасида етакчи бўла олади. Бизга айнан шундай футболчи керак эди», — деди «Ницца» бош мураббийи Оливье Панталони.