«Manchester Siti»ning sobiq hujumchisi Serxio Aguero jamoaning sobiq bosh murabbiyi Xosep Gvardiolaning kelajagi haqida fikr bildirdi.
«Gvardiolani yana biror klubda ko‘ramizmi-yo‘qmi, buni aytish juda qiyin. Balki u yangi tajribani sinab ko‘rishni istar va biror terma jamoani boshqarar. Ammo qaysi terma jamoa uning uslubiga mos kelishini ham ko‘rish kerak.
Menimcha, tanaffus unga foyda qiladi va u yaxshilab dam olishi mumkin. Lekin haqiqat shuki, Pep futbol bilan yashaydi. Ertaga nima bo‘lishini hech kim bilmaydi. U hammani hayratda qoldirib, biror klubda paydo bo‘lishi ham mumkin. Yoki aksincha, yaqin ikki-uch yil davomida murabbiylik qilishni umuman istamasligi ham ehtimol», — dedi Aguero Stake Football'ga bergan intervyusida.
Gvardiola «Manchester Siti»ni 2016 yildan 2026 yilga qadar boshqargan. U bundan avval «Bavariya»da 2013–2016 yillarda, «Barselona»da esa 2008–2012 yillarda faoliyat yuritgan.
