Madridning «Real» klubi sobiq hujumchisi va murabbiyi Xorxe Valdano «Barselona» vingeri Lamin Yamaldan olgan intervyusi haqidagi taassurotlari bilan o‘rtoqlashdi.

«Intervyudan so‘ng hamisha muayyan taassurotlar qoladi. Mening taassurotim shundan iboratki, biz aqlli yosh yigit bilan muomala qilyapmiz va uning kelajagidan xavotir olishga hech qanday sabab yo‘q. 19 yoshda kimligingni unutmagan holda bunchalik uzoqqa borish — haqiqiy mo‘’jiza. U haqiqatni aytdi va biz haqiqatni gapirishni gunoh deb hisoblaganimiz hayratlanarli», — deb keltiradi Valdanoning so‘zlarini Goal nashri El Pais-ga tayanib.

Eslatib o‘tamiz, ushbu intervyuda Yamal, masalan, «Oltin to‘p»ni albatta Chempionlar ligasi g‘olibi yoki 80 ta gol urgan futbolchi olishi shart emasligini aytgan edi. shuningdek, «Barselona» vingeri ayni damda o‘zi va Kilian Mbappe dunyoning eng yaxshi ikki futbolchisi ekanligini ta’kidlagan.