Ispaniya chempionatining 7-turida «Osasuna» o‘z maydonida «Rayo Valyekano»ni qabul qildi. Uchrashuv 1:1 hisobida yakunlandi.
Jamoalar o‘yinni faol boshladi va 16-daqiqada Ante Budimir mezbonlarni hisobda oldinga olib chiqdi. Tanaffusdan keyin mehmonlar faollikni oshirib, «Osasuna» darvozasiga ko‘proq xavf sola boshladi. Bu harakatlar o‘z samarasini berdi — Serxio Kamelyoning aniq zarbasidan so‘ng «Rayo Valyekano» hisobni tenglashtirdi.
Uchrashuvning so‘nggi daqiqalarida har ikki jamoa g‘alaba golini urish uchun imkoniyatlarga ega bo‘ldi. Biroq himoyachilarning ishonchli harakatlari va hujumlarni yakunlashdagi aniqlik yetishmagani bois tabloda boshqa o‘zgarish bo‘lmadi.
