«Real»ning sobiq yulduzlari Klod Makelele va Stiv Makmanaman bugungi «Atletiko»ga qarshi Madrid derbisi oldidan sobiq jamoasini ogohlantirdi.

«Real» 90 daqiqa davomida ustun o‘yin ko‘rsatishi va himoyaga emas, hujumga ko‘proq e’tibor qaratishi kerak. Jasoratli bo‘lish va hujumkor futbolchilarni maydonga tushirish lozim», — dedi Makelele.

Makmanaman esa «Elche»ga qarshi uchrashuvdagi g‘alabani eslab, shunday dedi:

«Bu darajada futbolning faqat bir bo‘limini o‘ynab bo‘lmaydi. «Atletiko» kabi jamoaga qarshi so‘nggi daqiqalardagi vaziyatlarga umid qilish juda xavfli».

Makelele esa uchrashuv natijasi bo‘yicha o‘z taxminini ham bildirdi.

«Menimcha, «Real» bu o‘yinda 3:2 hisobida g‘alaba qozonadi», — dedi u.