Bu hafta «Liverpul» skautlari Yevropa Ligasidagi AZ va «Sanderlend» o‘rtasidagi uchrashuvga tashrif buyurib, niderland klubining 20 yoshli yarim himoyachisi Kes Smitni kuzatishdi. Bu haqda TEAMtalk xabar bermoqda.
Avvalroq yarim himoyachiga «Real» va «Barselona» klublari ham qiziqish bildirayotgani haqida xabar berilgandi. Manbalar ta’kidlashicha, klub Smitni 52 million funt sterlingga baholamoqda.
«Sanderlend»ga qarshi uchrashuv AZning 0:1 hisobidagi mag‘lubiyati bilan yakunlandi. Smit 59-daqiqada almashtirildi. Joriy mavsumda u Niderlandiya chempionatida 4 ta uchrashuv o‘tkazib, 2 ta golli uzatma amalga oshirdi.
