«Atletiko» yarim himoyachisi Aleks Baena «Real»ga qarshi 2:1 hisobidagi g‘alabadan so‘ng bosh hakam Migel Anxel Ortis Aryasning ishidan mamnun ekanini bildirdi.
«Biz katta hurmat bilan o‘ynadik va xatolarga yo‘l qo‘ymaslikka harakat qildik. Birinchi bo‘limda juda yaxshi o‘ynagan bir nechta daqiqalarimiz bo‘ldi, ikkinchi bo‘limda esa maydonga boshqacha kayfiyatda chiqdik.
Ko‘pincha harakatsizligimiz uchun o‘zimizni tanqid qilamiz, ammo bugun jamoa xarakter ko‘rsata oldi. To‘pni juda ishonchli nazorat qildik», — dedi Baena.
