«Beshiktosh» sardori Orkun Kyokchyu Angliya Premyer-ligasi klublari e’tiboriga tushgan. Fanatik xabariga ko‘ra, «Liverpul» 25 yoshli yarim himoyachini diqqat bilan kuzatib bormoqda.

Manba, shuningdek, «Tottenxem» Kyokchyuning «Beshiktosh»dagi jamoadoshi Emirxan Topchuga qiziqish bildirayotganini ham ma’lum qildi. Angliya klublari Turkiya jamoasining yangilangan tarkibini kuzatishda davom etmoqda.

Kekchu 2025 yil iyul oyida «Benfika»dan «Beshiktosh»ga o‘tgan. Turkiya futbol federasiyasi ma’lumotiga ko‘ra, uning klub bilan shartnomasi 2030 yil iyun oyiga qadar amal qiladi.

Yarim himoyachi jamoaning asosiy futbolchilaridan biri bo‘lib qolmoqda. U shu oy boshida «Erzurumspor»ga qarshi 3:0 hisobidagi g‘alabada gol urgan edi.

25 yoshli Emirxan Topchu esa 2024 yilda «Rizespor»dan «Beshiktosh»ga qo‘shilgan va uning shartnomasi 2028 yil iyun oyiga qadar amal qiladi.

Markaziy himoyachi joriy mavsumda muntazam ravishda maydonga tushmoqda va «Erzurumspor»ga qarshi 3:0 hisobidagi o‘yinda u ham gol urgan.