"Roma" hujumchisi Doniell Malen futbolchilarning transfer qiymatini baholashga ixtisoslashgan Transfermarkt portali navbatdagi yangilanishidan so‘ng Italiya A Seriyasida narxi eng ko‘p oshgan 10 futbolchi qatoriga kirdi.
Mavsumning dastlabki 5 turida 6 ta gol urgan niderlandiyalik futbolchining transfer qiymati 10 million yevroga oshdi. Malen "Roma" safiga kelib qo‘shilganidan buyon 26 ta o‘yinda 21 ta gol urdi va 4 ta golli uzatmani amalga oshirdi.
A Seriyada transfer qiymati eng ko‘p oshgan futbolchi "Milan"ning yangi a’zosi Diyegu Moreyra bo‘ldi. Uning narxi 20 million yevroga ko‘tarildi. Milanliklarning yana bir yangi futbolchisi Alfadjo Sisse esa 13 million yevrolik o‘sish bilan kuchli uchlikdan joy oldi.
Transfermarkt ma’lumotiga ko‘ra, A Seriyada transfer qiymati eng ko‘p oshgan futbolchilar:
-
Diyegu Moreyra ("Milan") — 45 mln yevro (+20 mln yevro).
-
Xakobo Ramon ("Komo") — 45 mln yevro (+15 mln yevro).
-
Alfadjo Sisse ("Milan") — 20 mln yevro (+13 mln yevro).
-
Alessandro Romano ("Kalyari") — 15 mln yevro (+13 mln yevro).
-
Alyo Njiye ("Fiorentina") — 15 mln yevro (+12 mln yevro).
-
Manu Kone ("Roma") — 60 mln yevro (+10 mln yevro).
-
Doniell Malen ("Roma") — 55 mln yevro (+10 mln yevro).
-
Martin Baturina ("Komo") — 55 mln yevro (+10 mln yevro).
-
Andi Diuf ("Inter") — 30 mln yevro (+10 mln yevro).
-
Randal Kolo Muani ("Yuventus") — 30 mln yevro (+10 mln yevro).
