"Рома" ҳужумчиси Дониэлл Мален футболчиларнинг трансфер қийматини баҳолашга ихтисослашган Transfermarkt портали навбатдаги янгиланишидан сўнг Италия А Сериясида нархи энг кўп ошган 10 футболчи қаторига кирди.
Мавсумнинг дастлабки 5 турида 6 та гол урган нидерландиялик футболчининг трансфер қиймати 10 миллион еврога ошди. Мален "Рома" сафига келиб қўшилганидан буён 26 та ўйинда 21 та гол урди ва 4 та голли узатмани амалга оширди.
А Серияда трансфер қиймати энг кўп ошган футболчи "Милан"нинг янги аъзоси Диегу Морейра бўлди. Унинг нархи 20 миллион еврога кўтарилди. Миланликларнинг яна бир янги футболчиси Альфаджо Сиссе эса 13 миллион евролик ўсиш билан кучли учликдан жой олди.
Transfermarkt маълумотига кўра, А Серияда трансфер қиймати энг кўп ошган футболчилар:
-
Диегу Морейра ("Милан") — 45 млн евро (+20 млн евро).
-
Хакобо Рамон ("Комо") — 45 млн евро (+15 млн евро).
-
Альфаджо Сиссе ("Милан") — 20 млн евро (+13 млн евро).
-
Алессандро Романо ("Кальяри") — 15 млн евро (+13 млн евро).
-
Альё Нжие ("Фиорентина") — 15 млн евро (+12 млн евро).
-
Ману Коне ("Рома") — 60 млн евро (+10 млн евро).
-
Дониэлл Мален ("Рома") — 55 млн евро (+10 млн евро).
-
Мартин Батурина ("Комо") — 55 млн евро (+10 млн евро).
-
Анди Диуф ("Интер") — 30 млн евро (+10 млн евро).
-
Рандаль Коло Муани ("Ювентус") — 30 млн евро (+10 млн евро).
