Himoyachi Leni Yoro kelasi yilning yozida «Manchester Yunayted»ni tark etishi mumkin. Bu haqda insayder Grem Beyli xabar bermoqda.

Manbaning ta’kidlashicha, «qizil iblislar» 20 yoshli fransuz futbolchisi joriy mavsumda o‘zini ko‘rsata olmasa, uni sotishga tayyor bo‘lishadi. Himoyachining transfer qiymati 50 million yevroni tashkil etadi, uning mankunianliklar bilan mehnat shartnomasi esa 2029 yilning iyun oyi oxirida tugaydi.

Angliya Premyer-ligasining joriy mavsumida Leni ikkita o‘yinda maydonga tushdi. O‘tkazilgan beshta turdan so‘ng «Manchester Yunayted» besh ochko bilan turnir jadvalida 12-o‘rinda bormoqda.