"Roma" portugaliyalik himoyachi Rafael Gerreyruni o‘z safiga qo‘shib olishga qiziqish bildirmoqda. Bu haqda "TuttomercatoWEB" xabar berdi.
Manbaga ko‘ra, 32 yoshli futbolchi Jan Pyero Gasperini jamoasi uchun chap oyoqda o‘ynaydigan chap qanot himoyachisi sifatida ko‘rib chiqilmoqda.
Gerreyruni o‘z safiga qo‘shib olishga "Olimpiakos" ham qiziqish bildirmoqda.
Portugaliyalik futbolchining so‘nggi klubi "Bavariya" bo‘lgan. U Myunxen jamoasida uch yil o‘ynaganidan so‘ng, joriy yozda erkin agent sifatida klubni tark etdi.
Gerreyru o‘tgan mavsumda 29 ta o‘yinda maydonga tushib, 6 ta gol urdi va 3 ta golli uzatmani amalga oshirdi.
