«Manchester Yunayted» va Angliya terma jamoasining sobiq hujumchisi Ueyn Runi klubdagi inqiroz haqida o‘z fikrini bildirdi. U «Manchester Yunayted» tarkibini ojiz deb hisoblaydi.

«Mening fikrimcha, transfer oynasi yopilgunga qadar klub ba’zi qadamlarni tashlashi — xususan, yangi o‘yinchilarni xarid qilishi kerak edi, chunki tarkib anchagina ojiz ko‘rinmoqda. Hozir esa ular yeng shimarib, yaxshiroq natijalarga erishish umidida tinimsiz mehnat qilishlari lozim», — dedi Ueyn Runi derbyderbyderby.it nashriga.

Eslatib o‘tamiz, klub hozirda Angliya Premyer-ligasi turnir jadvalida bor-yo‘g‘i o‘n ikkinchi o‘rinni egallab turibdi.