Osiyo o‘yinlarining futbol bo‘yicha chorak final bosqichida Janubiy Koreya U-23 terma jamoasi Vyetnamni 4:0 hisobida mag‘lub etib, yarim finalga yo‘l oldi.

Uchrashuvda hisob 15-daqiqada ochildi. Li Xyon Juning uzatmasidan keyin Li Yon Jun raqib darvozasini ishg‘ol qildi — 1:0.

Ikkinchi bo‘limning so‘nggi qismida koreyaliklar ustunlikni yanada oshirdi. 77-daqiqada Kim Ji Su ikkinchi golni kiritgan bo‘lsa, 81-daqiqada Li Yon Jun dubl qayd etdi. 88-daqiqada Kim Myon Jun uchrashuvdagi so‘nggi golni urdi — 4:0.

Yarim finalda koreyaliklar Xitoy - Tayland juftligi g‘olibiga qarshi maydonga tushadi.

Osiyo o‘yinlari. Chorak final

Janubiy Koreya — Vyetnam — 4:0

Gollar: Li Yon Jun, 15 — 1:0; Kim Ji Su, 77 — 2:0; Li Yon Jun, 81 — 3:0; Kim Myon Jun, 88 — 4:0.