"Manchester Yunayted" qishki transfer oynasida qanot himoyachisini o‘z safiga qo‘shib olishi mumkin.

Football Insider ma’lumotiga ko‘ra, "qizil iblislar" "Fulxem"ning chap qanot himoyachisi Entoni Robinsonga yana qiziqish bildirmoqda. Klub futbolchiga bo‘lgan qiziqishini mart oyida qayta tiklagan edi, ammo yozda transfer amalga oshmadi.

Shuningdek, "Manchester Yunayted" "Kristal Pelas" himoyachisi Tayrik Mitchellni ham o‘z safiga qo‘shib olish variantini ko‘rib chiqmoqda.

29 yoshli Robinson joriy mavsumda barcha musobaqalarda 6 ta o‘yinda maydonga tushdi, ammo gol yoki golli uzatma bilan ajralib turmadi.

27 yoshli Mitchell esa 6 ta uchrashuvda ishtirok etib, 2 ta gol urdi.