«Liverpul» futbolchisi Federiko Kyeza qishki transfer oynasida klubini almashtirishi mumkin.

Transfer News Live nashri TuttoJuve’ga tayanib xabar berishicha, 28 yoshli futbolchi mersisaydliklar safidagi hozirgi holatidan norozi va yanvar oyida jamoani tark etish imkoniyatini jiddiy ko‘rib chiqmoqda.

Kyeza Italiya terma jamoasiga qaytishni istaydi. Biroq u Premyer-liga grandining asosiy tarkibidan joy olish imkoniyati unchalik yuqori emasligini tushunib turibdi. Doimiy o‘yin amaliyotisiz esa milliy jamoadan joy olish qiyin.

Federiko Kyeza joriy mavsumda hali maydonga tushgani yo‘q.

Italiyalik futbolchi 2024 yil yozida «Yuventus»dan «Liverpul»ga o‘tganidan buyon klub safida 50 ta uchrashuv o‘tkazib, 5 ta gol urgan va 5 ta golli uzatmani amalga oshirgan.