Fransiya terma jamoasining sobiq futbolchisi Samir Nasri «uchranglilar»ning o‘yini haqida o‘z fikrlari bilan o‘rtoqlashdi.

«Angliyada bo‘lgani kabi Fransiyada ham o‘ziga xos o‘yin uslubi (identichnost) yo‘q. Hozirgi avlodimizda iqtidorlar juda ko‘p, ammo ular hujumkor futbolchilardir. Bizda ularga uzatma bera oladigan yarim himoyachilar yo‘q.

Ispaniya esa — o‘yin filosofiyasi degani. Yoshlarning barchasi jamoada qanday o‘ynashni bilishadi. Siz o‘n bitta yangi o‘yinchini, yangi murabbiyni qo‘yishingiz mumkin va Ispaniya terma jamoasi baribir bir xil o‘ynayveradi. Bu ularning o‘ziga xos o‘yin uslubidir.

Zidanga kelsak, xulosa chiqarishdan oldin biroz kutib turaman. Men o‘ziga xos o‘yin uslubini ko‘rishga umid qilyapman. Ammo uning ixtiyorida bo‘lgan o‘yinchilarga qarasam, yarim himoyada ularga qiyin bo‘lishini ko‘ryapman», — deydi Nasri CANAL+ ga bergan intervyusida.

Eslatib o‘tamiz, jahon chempionatida Fransiya terma jamoasi yarim finalgacha yetib borib, unda Ispaniya terma jamoasiga imkoniyatni boy bergan edi. 3-o‘rin uchun kechgan bahsda esa fransuzlar Angliya terma jamoasiga imkoniyatni boy berishdi.