"Barselona" futbolchisi Lamin Yamal 18 yoshli klubdoshi Hamza Abdulkarimning kelajagi haqida fikr bildirdi.

Kataloniya klubi yozda yosh misrlik futbolchini Qohiraning "Al-Ahli" klubidan sotib olgan edi. Xans-Diter Flik hozircha istiqbolli hujumchiga rasmiy o‘yinlarda ko‘p imkoniyat bermayapti, ammo uning mavsumoldi uchrashuvlaridagi harakatlaridan mamnun qolgan.

— Abdulkarim Muhammad Salohning yo‘lini takrorlay oladimi?

— "Saloh — buyuk futbolchi, Premyer-liga tarixidagi eng mashhur afrikalik yulduzlardan biri. Hozircha bunday taqqoslashlar uchun erta. Hamzaning qanday rivojlanishini ko‘ramiz.

U muvaffaqiyatga erishish va Misr futboli tarixida o‘z nomini qoldirish uchun kerakli sifatlarga ega. Umid qilamanki, buning uddasidan chiqadi", — dedi Yamal jurnalist savoliga javoban.

Abdulkarim "Barselona" asosiy jamoasi safidagi debyutini 1 sentyabr kuni La Liga doirasida "Rayo Valyekano"ga qarshi o‘yinda o‘tkazgan.