"Arsenal" afsonasi va Fransiya terma jamoasining sobiq hujumchisi Terri Anri "Manchester Siti" bilan bog‘liq vaziyat haqida gapirdi.

Avvalroq "shaharliklar" Angliya Premyer-ligasi moliyaviy qoidalarini buzish bo‘yicha 115 ta ayblovdan 114 tasida aybdor deb topilgani ma’lum bo‘lgan edi. Shundan so‘ng OAVda Anri go‘yo klubni qattiq jazolash kerakligini aytgani haqidagi xabarlar tarqaldi.

"Feyk xabarlar. Men "Manchester Siti" haqida hech kim bilan gaplashmaganman. Hikoya to‘qishni bas qiling", — deb yozdi Anri ijtimoiy tarmoqdagi sahifasida.

"Manchester Siti" turli sanksiyalarga duch kelishi mumkin. Ular yirik jarima va ochkolarni olib tashlashdan tortib, tegishli davrda qo‘lga kiritilgan chempionlik unvonlaridan mahrum qilish yoki Premyer-ligadan tushirib yuborishgacha bo‘lishi mumkin.

Klub apellyasiyasi ko‘rib chiqilishini kutmoqda. Yakuniy jazo hozircha belgilanmagan.