«Bordo» klubi jirondinlarning amaldagi egasi Jerar Lopes kompaniyasi klubni inglizlarning Park Bench kompaniyasiga topshirishi bo‘yicha kelishuv imzolanganini ma’lum qildi.
Avgust oyida Parij ma’muriy sudi «Bordo»ning shikoyatini rad etdi va Fransiya futbol federasiyasining (FFF) klubni milliy musobaqalardan chetlatish haqidagi qarorini tasdiqladi.
«Bitim klub qarzlarini o‘z zimmasiga olish sharti bilan ramziy 1 yevro evaziga tuzildi. Qonunda belgilangan tartib doirasida xaridorlar yaqin kunlarda Yangi Akvitaniya futbol ligasining boshqaruvni nazorat qilish mintaqaviy komissiyasida eshituvdan o‘tadi.
Ushbu kelishuvning imzolanishi “Bordo” futbol klubining kelajagi uchun muhim bosqich hisoblanadi», — deyiladi klub bayonotida.
