Argentina terma jamoasi hujumchisi Xose Manuel Lopes Boliviyaga qarshi o‘rtoqlik uchrashuvidagi 4:0 hisobidagi g‘alabadan so‘ng o‘z fikrlarini bildirdi.
«Murabbiy menga berayotgan har bir imkoniyatdan maksimal darajada foydalanishga harakat qilaman. Terma jamoa safida o‘ynash men uchun katta sharaf. Juda baxtliman va, baxtimga, gol urishga muvaffaq bo‘ldim — bu mening terma jamoadagi ilk golim. Bu taqdirning sovg‘asi.
Ushbu golni oilamga, onamga va tug‘ilib o‘sgan San-Lorenso shahri aholisiga bag‘ishlayman.
Shaxsan men uchun bularning barchasi yangilik. Leo bilan birga juda qisqa vaqt bo‘lish imkoniga ega bo‘ldim, ammo har bir lahzadan zavqlandim. Biz uni doimo qo‘llab-quvvatlaymiz va u biz bilan abadiy qolishini istaymiz», — deya Lopesning so‘zlarini Argentina terma jamoasi matbuot xizmati keltirdi.
Argentina navbatdagi uchrashuvini 4 oktyabr kuni Burkina-Fasoga qarshi o‘tkazadi. Boliviya esa 5 oktyabr kuni Gambiya bilan bahslashadi.
