Аргентина терма жамоаси ҳужумчиси Хосе Мануэль Лопес Боливияга қарши ўртоқлик учрашувидаги 4:0 ҳисобидаги ғалабадан сўнг ўз фикрларини билдирди.

«Мураббий менга бераётган ҳар бир имкониятдан максимал даражада фойдаланишга ҳаракат қиламан. Терма жамоа сафида ўйнаш мен учун катта шараф. Жуда бахтлиман ва, бахтимга, гол уришга муваффақ бўлдим — бу менинг терма жамоадаги илк голим. Бу тақдирнинг совғаси.

Ушбу голни оиламга, онамга ва туғилиб ўсган Сан-Лоренсо шаҳри аҳолисига бағишлайман.

Шахсан мен учун буларнинг барчаси янгилик. Лео билан бирга жуда қисқа вақт бўлиш имконига эга бўлдим, аммо ҳар бир лаҳзадан завқландим. Биз уни доимо қўллаб-қувватлаймиз ва у биз билан абадий қолишини истаймиз», — дея Лопеснинг сўзларини Аргентина терма жамоаси матбуот хизмати келтирди.

Аргентина навбатдаги учрашувини 4 октябрь куни Буркина-Фасога қарши ўтказади. Боливия эса 5 октябрь куни Гамбия билан баҳслашади.