«Bornmut» hujumchisi Eli Junior Krupi hanuz Londonning «Arsenal» klubi qiziqish doirasida. Bu haqda The Sun Football xabar bermoqda.

«Kanonirlar»dan tashqari, 20 yoshli futbolchi uchun «Tottenxem» va Fransiyaning «PSJ» klublari ham kurashishi mumkin. «Bornmut» esa Krupini faqat klub tarixidagi rekord darajadagi summa evaziga sotishni ko‘rib chiqishga tayyor.

20 yoshli fransuzning amaldagi klubi bilan shartnomasi 2030 yil iyun oyi oxiriga qadar amal qiladi. Transfermarkt uning qiymatini 70 million yevro deb baholamoqda.

O‘tgan mavsumda Krupi Angliya Premyer-ligasida 33 ta uchrashuvda maydonga tushib, 13 ta gol urgan.