"PSJ" Portugaliyaning "Braga" klubiga yarim himoyachi Mario Dorjelesning kelajakdagi transferi bo‘yicha ustuvor huquq uchun 3,3 million yevro to‘ladi. Bu haqda Foot Mercato xabar berdi.

Kelishuv haqidagi ma’lumot "Braga"ning moliyaviy hisoboti e’lon qilinganidan so‘ng ma’lum bo‘ldi. To‘lov "ustuvor tanlov huquqi" sifatida rasmiylashtirilgan.

Bu mablag‘ Dorjeles kelajakda albatta "PSJ"ga o‘tishini anglatmaydi. U faqat futbolchi sotilishi mumkin bo‘lgan taqdirda Parij klubiga ustuvor mavqe beradi.

Dorjeles 2025 yil yozida Daniyaning "Norshellann" klubidan "Braga"ga o‘tgan. Debyut mavsumida yarim himoyachi barcha musobaqalarda 39 ta o‘yin o‘tkazib, 7 ta gol urdi va 4 ta golli uzatmani amalga oshirdi.

Avvalroq Dorjelesga "Arsenal", "Chelsi", "Nyukasl" va "Brayton" ham qiziqish bildirgani haqida xabarlar tarqalgan edi.