«Manchester Yunayted» hujumchisi Benyamin Sheshko «Yuventus» qiziqish doirasiga tushdi.
Turin klubi vakillari joriy mavsumda «qizil iblislar»ning asosiy tarkibida muntazam o‘rin ola olmayotgan sloveniyalik futbolchining vaziyatini kuzatmoqda.
La Gazzetta dello Sport ma’lumotiga ko‘ra, «keksa sinyora» kelasi yil yozida hujumchini o‘z safiga qo‘shib olish imkoniyatini ko‘rib chiqmoqda.
Biroq «Manchester Yunayted» 23 yoshli futbolchi bilan xayrlashishni istamayapti va hozircha uni sotish haqida o‘ylamayapti.
Sheshko joriy mavsumda Maykl Karrik boshqarayotgan jamoa safida 6 ta uchrashuvda 2 ta gol urdi. Transfermarkt portali futbolchining bozor qiymatini 75 million yevro deb baholamoqda.
