Ispaniya milliy terma jamoasi himoyachisi Fran Garsiya Millatlar ligasi doirasida Chexiya ustidan o‘z maydonida qozonilgan g‘alabadan so‘ng fikr bildirdi. «Qizil furiya» raqibini 3:1 hisobida mag‘lub etdi.
«Jahon chempionlari safida, o‘z muxlislarimiz qarshisida o‘ynayotganimdan xursandman. Bizga ko‘rsatgan qo‘llab-quvvatlovi uchun ularga katta rahmat. Bunday turnirlarda oson o‘yinlar bo‘lmaydi. Tanaffusdan keyin bahs keskin tus oldi, almashtirishlar esa bizga yordam berdi. Bu barcha futbolchilarning naqadar muhim ekanini ko‘rsatadi. Hamma qattiq mehnat qilmoqda va maydonda borini bermoqda», — deya futbolchining so‘zlarini UYEFA matbuot xizmati keltirdi.
Ispaniya terma jamoasi navbatdagi uchrashuvini Xorvatiya milliy jamoasiga qarshi o‘tkazadi.
