Luchano Spalletti «Yuventus»ni boshqarish uni uchun nimani anglatishi haqida gapirdi.

«Yuventus»da ishlashning o‘ziga xosligi haqida:

«“Roma”da men muxlislar bilan ishlaganman, “Napoli”da — butun shahar bilan. “Inter”da — an’analar bilan, terma jamoada esa — xalq bilan. “Yuve”da esa sen mentalitet va futbolning butun tarixi bilan ishlaysan.

Bu yerda “Yuventus”ga xos alohida ruh hukmron. Bu shunchaki bir zumlik his-tuyg‘ular emas, balki meni hech qachon tark etmaydigan quvonch, g‘urur va mas’uliyat. Bu doimo chuqur kechinmalar: achchiq mag‘lubiyatdan tortib, tasavvur qilib bo‘lmas darajadagi baxtgacha. Faqat futbol bilan yashab bo‘lmaydi — “Yuventus” bilan yashash kerak. Biz boshqalar bilan emas, o‘zimiz uchun belgilagan yuqori standart bilan raqobatlashamiz».

«Byankoneri»lar murabbiyi bo‘lish nimani anglatishi haqida:

«Bu ulkan, buyuk narsa. Sevgan ishing bilan shug‘ullanish — erkinlik, undan olinadigan quvonch esa — muhabbat. Albatta, bu juda katta mas’uliyat bilan bog‘liq. Bizga oson bo‘lmaydi, ammo men bu vazifani bajarishga tayyorman. Nimani his qilayapman? Aslida, bu yerda men o‘zimni baxtli va erkin his qilyapman», — dedi Spalletti Tuttosport nashriga bergan intervyusida.