Лучано Спаллетти «Ювентус»ни бошқариш уни учун нимани англатиши ҳақида гапирди.

«Ювентус»да ишлашнинг ўзига хослиги ҳақида:

«Рома»да мен мухлислар билан ишлаганман, “Наполи”да — бутун шаҳар билан. “Интер”да — анъаналар билан, терма жамоада эса — халқ билан. “Юве”да эса сен менталитет ва футболнинг бутун тарихи билан ишлайсан.

Бу ерда «Ювентус»га хос алоҳида руҳ ҳукмрон. Бу шунчаки бир зумлик ҳис-туйғулар эмас, балки мени ҳеч қачон тарк этмайдиган қувонч, ғурур ва масъулият. Бу доимо чуқур кечинмалар: аччиқ мағлубиятдан тортиб, тасаввур қилиб бўлмас даражадаги бахтгача. Фақат футбол билан яшаб бўлмайди — «Ювентус» билан яшаш керак. Биз бошқалар билан эмас, ўзимиз учун белгилаган юқори стандарт билан рақобатлашамиз».

«Бьянконери»лар мураббийи бўлиш нимани англатиши ҳақида:

«Бу улкан, буюк нарса. Севган ишинг билан шуғулланиш — эркинлик, ундан олинадиган қувонч эса — муҳаббат. Албатта, бу жуда катта масъулият билан боғлиқ. Бизга осон бўлмайди, аммо мен бу вазифани бажаришга тайёрман. Нимани ҳис қилаяпман? Аслида, бу ерда мен ўзимни бахтли ва эркин ҳис қиляпман», — деди Спаллетти Tuttosport нашрига берган интервьюсида.