Tayson Fyuri Aleksandr Usik bilan uchinchi marta jang qilishni istashini ma’lum qildi.
«Avval anavi Joshua degan daydisini mag‘lub etaman, keyin boshqa bir inson — “quyon tishli” bilan trilogiya o‘tkazmoqchiman. Men uni ikki marta mag‘lub etganman, deb hisoblayman. Bu jangni AQSHdagi mashhur Madison Square Garden arenasida o‘tkazishni xohlayman.
Joshua men uchun qizdirish jangi, u boks qopiga aylanishi kerak», — dedi Fyuri.
Fyuri Usikka qarshi ikki marta jang qilib, har ikki bahsda ham hakamlar qarori bilan mag‘lub bo‘lgan. Birinchi jangda hakamlarning bo‘lingan qarori, ikkinchi bahsda esa yakdil qarori bilan Usik g‘alaba qozongan.
