Fransiya terma jamoasi bosh murabbiyi Zinedin Zidan 5 oktyabr kuni Millatlar ligasi doirasida Belgiyaga qarshi o‘tkaziladigan uchrashuv, shuningdek, «qizil iblislar»ning diskvalifikasiya qilingan yarim himoyachisi Kevin De Bryoyne haqida fikr bildirdi.
28 sentyabr kuni Zidan shogirdlari musobaqa guruh bosqichining ikkinchi turida Belgiyani 1:0 hisobida mag‘lub etgan edi.
«Menimcha, o‘tgan safar Belgiya juda yaxshi o‘ynadi. Ular bizga taktik jihatdan ancha qiyinchilik tug‘dirdi, ammo baribir g‘alaba qozonishni uddaladik. Men ularning Turkiyaga qarshi o‘yinini ham ko‘rdim. Belgiya terma jamoasi istalgan jamoaga muammo tug‘dira oladi.
De Bryoynening diskvalifikasiyasi biz uchun yengillikmi? Yo‘q. Aksincha, men uning maydonda bo‘lishini istardim — axir barcha yaxshi futbol ko‘rishni xohlaydi», — deya Zidanning so‘zlarini RMC Sport keltirdi.
