«Neftchi» navbatdagi muhim uchrashuvga tayyorgarlik jarayonini davom ettirmoqda.
Nazorat uchrashuvidan so‘ng bir kunlik qisqa dam olgan Farg‘ona klubining asosiy tarkib futbolchilari bugun yana mashg‘ulotlarga qaytdi.
Jamoa uchun eng muhim yangiliklardan biri — Vladimir Yovovich va Boyan Sigerning safga qaytishi bo‘ldi. Jarohatlarini to‘liq davolagan tajribali futbolchilar umumiy guruh mashg‘ulotlariga qo‘shilib, jamoadoshlari bilan to‘liq hajmda ishladi.
Ertalabki mashg‘ulotda asosiy e’tibor futbolchilarning jismoniy tayyorgarligi va chidamliligini oshirish, shuningdek, texnik harakatlarni takomillashtirishga qaratildi.
Murabbiylar shtabi tomonidan berilgan mashqlar yuqori sur’atda bajarildi. Futbolchilar belgilangan vazifalarni intizom va jiddiy yondashuv asosida amalga oshirdi.
«Neftchi» navbatdagi uchrashuvini 7 oktyabr kuni «Xorazm»ga qarshi o‘z maydonida o‘tkazadi.
