«Нефтчи» навбатдаги муҳим учрашувга тайёргарлик жараёнини давом эттирмоқда.
Назорат учрашувидан сўнг бир кунлик қисқа дам олган Фарғона клубининг асосий таркиб футболчилари бугун яна машғулотларга қайтди.
Жамоа учун энг муҳим янгиликлардан бири — Владимир Йовович ва Боян Цигернинг сафга қайтиши бўлди. Жароҳатларини тўлиқ даволаган тажрибали футболчилар умумий гуруҳ машғулотларига қўшилиб, жамоадошлари билан тўлиқ ҳажмда ишлади.
Эрталабки машғулотда асосий эътибор футболчиларнинг жисмоний тайёргарлиги ва чидамлилигини ошириш, шунингдек, техник ҳаракатларни такомиллаштиришга қаратилди.
Мураббийлар штаби томонидан берилган машқлар юқори суръатда бажарилди. Футболчилар белгиланган вазифаларни интизом ва жиддий ёндашув асосида амалга оширди.
«Нефтчи» навбатдаги учрашувини 7 октябрь куни «Хоразм»га қарши ўз майдонида ўтказади.
