"Manchester Yunayted" hujumchisi Joshua Zirkzee Niderlandiya terma jamoasi safida gol urdi.
25 yoshli futbolchi Millatlar ligasida Serbiyaga qarshi uy uchrashuvida uzoq kutilgan golini kiritdi. "Qizil iblislar" vakili 72-daqiqada raqib darvozasini ishg‘ol qilib, jamoasini 2:1 hisobida oldinga olib chiqdi.
E’tiborlisi, Zirkzee maydonga faqat tanaffusdan so‘ng tushgan edi.
Bu hujumchining 2026 yilda rasmiy uchrashuvlarda urgan ilk goli bo‘ldi. Joshua bundan oldin so‘nggi marta o‘tgan yilning 30 dekabr kuni Premyer-ligada "Vulverxempton"ga qarshi bahsda gol urgan edi.
O‘sha paytda "Manchester Yunayted"ni Ruben Amorim boshqarardi. Oradan ko‘p o‘tmay portugaliyalik mutaxassis iste’foga chiqarilgan.
