Serbiya terma jamoasi Millatlar ligasining joriy mavsumida dastlabki to‘rtta uchrashuvning barchasida mag‘lub bo‘lgan ilk jamoaga aylandi.

Velko Paunovich shogirdlari Gresiyaga 1:2, Niderlandiyaga 1:2, Germaniyaga 0:2 hisobida yutqazdi. So‘ng yana Niderlandiyaga qarshi bahsda 1:2 hisobida mag‘lub bo‘ldi.

Serbiya A divizioni 2-guruhida 0 ochko bilan so‘nggi o‘rinni egallab turibdi.

Qayd etish joiz, hozircha uchta mag‘lubiyat qayd etgan va 4-turda hali maydonga tushmagan jamoalar ham bor. A divizionida Turkiya va Chexiya, B divizionida Shimoliy Makedoniya va Ruminiya, C divizionida esa San-Marino shular jumlasidan.