«Bornmut» yarim himoyachisi Aleks Skott Angliya terma jamoasi yig‘inida son qismidan jarohat oldi va olti-sakkiz hafta davomida maydonga tusha olmaydi. Bu haqda Goal xabar bermoqda.
Yarim himoyachi yaqinda milliy terma jamoa safida debyut qilgan edi. Skott Xorvatiyaga qarshi 7:0 hisobidagi g‘alaba bilan yakunlangan uchrashuvda Elliot Anderson bilan birga markaziy yarim himoyada 70 daqiqa o‘ynadi.
APLdagi besh turdan so‘ng «Bornmut» 17-o‘rinda bormoqda va hozircha chempionatda biror marta ham g‘alaba qozona olmadi. 10 oktyabrdan 8 noyabrgacha jamoa Skottsiz to‘qqizta uchrashuv o‘tkazishi kerak.
Shuningdek, Angliya terma jamoasi yig‘inini «Arsenal» himoyachisi Ezri Konsa ham tark etdi. 28 yoshli futbolchi jarohatidan davolanish uchun klubiga qaytmoqda. Jarohatning xususiyati aniqlanmagan.
