«Борнмут» ярим ҳимоячиси Алекс Скотт Англия терма жамоаси йиғинида сон қисмидан жароҳат олди ва олти-саккиз ҳафта давомида майдонга туша олмайди. Бу ҳақда Goal хабар бермоқда.
Ярим ҳимоячи яқинда миллий терма жамоа сафида дебют қилган эди. Скотт Хорватияга қарши 7:0 ҳисобидаги ғалаба билан якунланган учрашувда Эллиот Андерсон билан бирга марказий ярим ҳимояда 70 дақиқа ўйнади.
АПЛдаги беш турдан сўнг «Борнмут» 17-ўринда бормоқда ва ҳозирча чемпионатда бирор марта ҳам ғалаба қозона олмади. 10 октябрдан 8 ноябргача жамоа Скоттсиз тўққизта учрашув ўтказиши керак.
Шунингдек, Англия терма жамоаси йиғинини «Арсенал» ҳимоячиси Эзри Конса ҳам тарк этди. 28 ёшли футболчи жароҳатидан даволаниш учун клубига қайтмоқда. Жароҳатнинг хусусияти аниқланмаган.
