Avvalroq «Inter» va «Yuventus» «Liverpul» himoyachisi Jovanni Leoniga qiziqish bildirayotgani ma’lum bo‘lgan edi.

Biroq «qizillar» qat’iy pozisiyani egalladi. Bu haqda Ekrem Konur yozmoqda. Angliya grandi Leonini sotishni rejalashtirmayapti.

Himoyachi 2025 yilda «Parma»dan «Enfild»ga ko‘chib o‘tgan. Ammo u jamoaga qo‘shilishi bilanoq xochsimon bog‘lamidan jarohat oldi.

Jovanni Leoni hisobida hozircha «Liverpul» safida bitta o‘yin bor. Himoyachining bozordagi qiymati 25 million yevro deb baholanmoqda.