Xarri Keyn va "Bavariya" o‘rtasida shartnomani uzaytirish bo‘yicha prinsipial kelishuvga erishildi. Muzokaralar yakuniy bosqichga kirgan, deya xabar beradi Sky Sport jurnalisti Florian Plettenberg.

Rejaga ko‘ra, Keyn "Bavariya" bilan 2029 yil o‘rtalariga qadar amal qiladigan yangi shartnoma imzolaydi. Tomonlarga faqat ayrim tafsilotlarni kelishib olish qolgan.

Qayd etilishicha, Xarri Keyn doimo "Bavariya" bilan shartnomasini uzaytirishni rejalashtirgan va boshqa variantlarni ko‘rib chiqmagan.

Keyn "Bavariya" safida 154 ta rasmiy uchrashuv o‘tkazib, 152 ta gol urgan va jamoadoshlariga 34 ta golli uzatma bergan.