Fransiya terma jamoasi bosh murabbiyi Zinedin Zidan Millatlar ligasida Belgiyaga qarshi o‘tgan uchrashuvni sarhisob qildi. Fransuzlar birinchi bo‘limdan so‘ng 0:1 hisobida ortda borayotgan bo‘lsa-da, yakunda 4:1 hisobida g‘alaba qozondi.

«Bu futbol va biz uni aynan shuning uchun sevamiz. Qiyinchiliklar bo‘ldi, ammo bunday holatlar futbolning bir qismi. Eng muhimi, vaziyatni o‘nglay oldik va ikkinchi bo‘limda ajoyib o‘ynadik.

Birinchi bo‘limda hujumlarni yakuniga yetkazishda nimadir yetishmadi. Tanaffusdan keyin esa o‘yin borishini butunlay o‘zgartirdik», — dedi Zidan.

Mutaxassis zaxiradan maydonga tushgan futbolchilarning ta’sirini ham alohida ta’kidladi.

«Zaxiradan tushadigan futbolchilar o‘yin taqdirini o‘zgartira olishini bilardik, chunki ular juda yuqori saviyadagi o‘yinchilar.

Biz to‘liq va mazmunli o‘yin o‘tkazdik. Ushbu 15 kun davomida barcha yaxshi harakat qildi va har bir futbolchi o‘z vazifasini bajardi», — dedi Fransiya terma jamoasi ustozi.