«Atletiko» klubi bosh murabbiy Diyego Simeonening kelajagi bo‘yicha qaror qabul qildi. Argentinalik mutaxassisning amaldagi shartnomasi 2026/2027 yilgi mavsum oxirigacha mo‘ljallangan.
AS nashri ma’lumotiga ko‘ra, klub ichida Simeoneni jamoa bosh murabbiyi sifatida saqlab qolish va u bilan shartnomani uzaytirish kerak, degan fikr ustunlik qilmoqda. Hozircha rasmiy muzokaralar boshlanmagan bo‘lsa-da, kelishuvga erishishda jiddiy muammolar bo‘lishi kutilmayapti.
«Simeone ishlashda davom etishni istaydi. Klub ham, umuman olganda, shu fikrda. Shuning uchun barcha tomonlar uchun kelishuvga erishish jiddiy muammo bo‘lmasligi kerak», — deyiladi xabarda.
Diyego Simeone «Atletiko»ni 2011 yil dekabridan buyon boshqarib kelmoqda. U jamoa bosh murabbiyi sifatida 800 dan ortiq uchrashuv o‘tkazgan.
