«Manchester Siti»ning sobiq yarim himoyachisi Fernandinyo «shaharliklar» atrofidagi mojaroga munosabat bildirdi. Avvalroq Angliya klubi Premyer-liganing moliyaviy qoidalarini buzganlikda aybdor deb topilgan edi. Fernandinyo «Siti» safida 2013 yildan 2022 yilgacha o‘ynagan.
«Men bu kun kelishini bilardim. Ular buni yashirishga juda ko‘p harakat qilishdi, ammo hech narsani abadiy yashirib bo‘lmaydi. Garchi ba’zilarimiz sodir bo‘layotgan noqonuniy ishlar haqida bilgan bo‘lsak-da, ular (klub rahbariyati — “Chempionat” izohi) bizni barchasi qonuniy ekaniga ishontirishdi, chunki Premyer-liga bu haqda xabardor edi. Shuning uchun biz shunchaki o‘z ishimizni qilib, ketaverdik. Endi ularning 115 ta ayblov bo‘yicha aybdor deb topilganini eshitish alamli», — deya Fernandinyoning so‘zlarini FullTime Report X ijtimoiy tarmog‘ida keltiradi.
