«Манчестер Сити»нинг собиқ ярим ҳимоячиси Фернандиньо «шаҳарликлар» атрофидаги можарога муносабат билдирди. Аввалроқ Англия клуби Премьер-лиганинг молиявий қоидаларини бузганликда айбдор деб топилган эди. Фернандиньо «Сити» сафида 2013 йилдан 2022 йилгача ўйнаган.
«Мен бу кун келишини билардим. Улар буни яширишга жуда кўп ҳаракат қилишди, аммо ҳеч нарсани абадий яшириб бўлмайди. Гарчи баъзиларимиз содир бўлаётган ноқонуний ишлар ҳақида билган бўлсак-да, улар (клуб раҳбарияти — “Чемпионат” изоҳи) бизни барчаси қонуний эканига ишонтиришди, чунки Премьер-лига бу ҳақда хабардор эди. Шунинг учун биз шунчаки ўз ишимизни қилиб, кетавердик. Энди уларнинг 115 та айблов бўйича айбдор деб топилганини эшитиш аламли», — дея Фернандиньонинг сўзларини FullTime Report X ижтимоий тармоғида келтиради.
