«France Football» nashrining sobiq bosh muharriri Paskal Ferre Karim Benzemaning «Oltin to‘p» sohibi bo‘lganiga qanday munosabat bildirganini so‘zlab berdi. Ferrening aytishicha, taqdirlash marosimidan oldin u hujumchiga qo‘ng‘iroq qilib, sovrinni qo‘lga kiritgani haqida xabar bergan.
«Uning juda sovuqqon munosabatda bo‘lgani meni hayratga soldi, go‘yoki unga bu unchalik qiziq emasdek edi. Bir necha kundan keyin u mendan uzr so‘radi va nima bo‘lganini tushuntirdi.
U massaj stolida yotganini, xursandchiligidan baqirgisi kelganini, ammo jamoadoshlari orasida bo‘lgani va sirni saqlashi kerakligini tushungani uchun bunday qila olmaganini aytdi», — deya Ferrening so‘zlarini Marca keltirdi.
Karim Benzema 2022 yilda «Oltin to‘p»ni qo‘lga kiritgan.
