«France Football» нашрининг собиқ бош муҳаррири Паскаль Ферре Карим Бенземанинг «Олтин тўп» соҳиби бўлганига қандай муносабат билдирганини сўзлаб берди. Ферренинг айтишича, тақдирлаш маросимидан олдин у ҳужумчига қўнғироқ қилиб, совринни қўлга киритгани ҳақида хабар берган.

«Унинг жуда совуққон муносабатда бўлгани мени ҳайратга солди, гўёки унга бу унчалик қизиқ эмасдек эди. Бир неча кундан кейин у мендан узр сўради ва нима бўлганини тушунтирди.

У массаж столида ётганини, хурсандчилигидан бақиргиси келганини, аммо жамоадошлари орасида бўлгани ва сирни сақлаши кераклигини тушунгани учун бундай қила олмаганини айтди», — дея Ферренинг сўзларини Marca келтирди.

Карим Бензема 2022 йилда «Олтин тўп»ни қўлга киритган.