"AZ Alkmaar" yarim himoyachisi Kes Smit klub bilan shartnomasini uzaytirishga rozi bo‘ldi.
The Touchline ma’lumotiga ko‘ra, niderlandiyalik futbolchining yangi shartnomasi 2030 yilga qadar amal qiladi.
20 yoshli yarim himoyachiga Madridning "Real", "Barselona" va Yevropaning boshqa top-klublari qiziqish bildirgan. Qayd etilishicha, Ispaniyaning har ikki grandi Smitni kuzatishda davom etadi, ammo endi uni sotib olish ancha qiyinlashishi mumkin.
Transfermarkt bahosiga ko‘ra, Kes Smitning bozor qiymati 25 million yevroni tashkil etadi. Avvalroq "AZ Alkmaar" o‘z futbolchisi uchun taxminan 60 million yevro talab qilgani haqida xabarlar tarqalgan edi.
Yosh futbolchi Niderlandiya klubi safida jami 84 ta uchrashuv o‘tkazib, 7 ta gol urgan va 14 ta golli uzatmani amalga oshirgan.
