"АЗ Алкмаар" ярим ҳимоячиси Кес Смит клуб билан шартномасини узайтиришга рози бўлди.
The Touchline маълумотига кўра, нидерландиялик футболчининг янги шартномаси 2030 йилга қадар амал қилади.
20 ёшли ярим ҳимоячига Мадриднинг "Реал", "Барселона" ва Европанинг бошқа топ-клублари қизиқиш билдирган. Қайд этилишича, Испаниянинг ҳар икки гранди Смитни кузатишда давом этади, аммо энди уни сотиб олиш анча қийинлашиши мумкин.
Transfermarkt баҳосига кўра, Кес Смитнинг бозор қиймати 25 миллион еврони ташкил этади. Аввалроқ "АЗ Алкмаар" ўз футболчиси учун тахминан 60 миллион евро талаб қилгани ҳақида хабарлар тарқалган эди.
Ёш футболчи Нидерландия клуби сафида жами 84 та учрашув ўтказиб, 7 та гол урган ва 14 та голли узатмани амалга оширган.
