Chorshanba kuni Pedro Rodriges professional faoliyatini yakunlaganini e’lon qildi. 39 yoshli sobiq vinger o‘zi uchun qadrdon bo‘lgan "Barselona"ni tark etgach, "Chelsi" safida o‘tkazgan yillarini esladi.
Ispaniyalik futbolchi 2015 yildan 2020 yilgacha London klubi sharafini himoya qilgan.
"Londonda men hammasini noldan boshlashni o‘rgandim, yangi madaniyat bilan tanishdim va shaxs sifatida rivojlandim", — dedi Pedro.
"Chelsi"da besh yil o‘tkazgach, jahon va Yevropa chempioni "Roma"ga ko‘chib o‘tdi. Bir yildan so‘ng esa u "Lasio" safiga qo‘shildi va aynan shu klub uning futbolchilik faoliyatidagi so‘nggi jamoasi bo‘ldi.
"Italiya yuragimga yo‘l topdi. Men u yerga tajribali futbolchi sifatida bordim, ammo meni xuddi o‘z farzandidek qabul qilishdi", — deya Pedroning so‘zlarini Barca Universal keltirdi.
Ispaniyani tark etishidan oldin Pedro "Barselona" safida uch marta Chempionlar ligasi g‘olibi bo‘lgan.
