Fransiya Liga 1 musobaqasining 6-turidan o‘rin olgan uchrashuvda «PSJ» o‘z maydonida «Le Man»ni 3:1 hisobida mag‘lub etdi.
Parijliklar safida Beraldo 19-daqiqada penaltidan hisobni ochdi. Shuningdek, Xvicha Kvarasxeliya 61-daqiqada, Magnesh Akliush esa 68-daqiqada raqib darvozasini ishg‘ol qildi. Mehmonlarning yagona goliga 54-daqiqada Lui Mafuta mualliflik qildi.
Shu tariqa, «PSJ» Fransiya chempionatida ketma-ket uchinchi g‘alabasini qo‘lga kiritdi. Parij klubi 11 ochko bilan turnir jadvalida 5-o‘rinni egallab turibdi. Hisobida 6 ochko bo‘lgan «Le Man» esa 12-pog‘onadan joy olgan.
Tur doirasida parallel o‘tkazilgan boshqa uchrashuvlarda «Brest» «Anje»ni 5:1 hisobida tor-mor etdi. «Loryan» esa «Parij» ustidan minimal 1:0 hisobida g‘alaba qozondi.
Fransiya chempionati. Liga 1. 6-tur.
10 oktyabr, 23:45. «Park de Prens» (Parij)
«PSJ» — «Le Man» — 3:1
Gollar: Beraldo, 19 — penaltidan (1:0), Mafuta, 54 (1:1), Kvarasxeliya, 61 (2:1), Akliush, 68 (3:1).
Amalga oshirilmagan penalti: Due (90+3).
«PSJ» tarkibi: Safonov, Zabarniy, Ernandes, Din, Hakimi (Due, 72), Beraldo (Kvarasxeliya, 59), Joau Nevesh (Ruis, 58), Fernandes (Zair-Emeri, 58), Godts (Vitinya, 59), Akliush, Torres.
«Le Man» tarkibi: Kosik, You, Voyer, Buasse, Lore (Rabiyyar, 73), Verkryuyss (Braimi, 66), Bretel, Kaloda (Larusi, 77), Bamba, Diallo (Guye, 46), Mafuta (Xaruz, 72).
Sariq kartochkalar: Guye (47), Mafuta (65), Bamba (90), Braimi (90).
