Fransiya terma jamoasi safida debyut qilgan hujumchi Esteban Lepol Yevropaning bir qator klublari e’tiborini tortmoqda. Bu haqda jurnalist Ekrem Konur ijtimoiy tarmoqdagi sahifasida ma’lum qildi.

Manbaga ko‘ra, 26 yoshli futbolchining o‘yinlarini Angliya Premyer-ligasining beshta vakili — "Brentford", "Everton", "Aston Villa", "Lids" va "Brayton" klublari diqqat bilan kuzatib bormoqda.

Fransiyaning "Renn" klubi hujumchisining ehtimoliy transferidan 50–60 million yevro daromad olishni rejalashtirmoqda.

Lepolning amaldagi shartnomasi "Renn" bilan 2030 yilning iyun oyi oxiriga qadar mo‘ljallangan.

Fransiya chempionatining joriy mavsumida hujumchi 5 ta uchrashuvda maydonga tushib, 3 ta gol urishga muvaffaq bo‘ldi.